Allergot ungdomsskole

I jubileumsåret feirar NBU, Norske Barne- og Ungdomsbokforfattere, sine 50 år m.a. med denne generøse antologien nyskrivne tekstar. Medlemmene vart utfordra til å skrive for store barn i alle sjangrar, og det har dei gjort: her er dikt, essay, dialogar, skisser og noveller - ei mengd noveller! 42 forfattarar i alle aldrar er med, og både kjønn og målformer er nokså likeleg fordelte. Men hovudsaka er at det er blitt ei spennande, morosam og fengslande bok! Fin å lese i godstolen, på bussen, under dyna - og på skulen, der ein ofte leitar etter korte, gode tekstar. Ei bok som bør finnast i kvar einaste norske bokhylle!